F&O (Futures & Options) hi eng nge?

Futures leh Options kan tih te hi intiamkamna (contract) an ni a, thil hlutna nei 'asset' kan tih chu neitu nih nei si lova, a man chet dan tur emaw hunbi thliah chhunga a hlut dan tura inrinsiakna emaw rinthu a lei leh hralhna a ni. Futures hmanga intiamkamna i lei a nih chuan, hun eng nge maw chen hnuah chu intiamkamna zuartu emaw hralhtu emaw atang chuan in intiamna man ang chuan i lei sak a ngai a, chutiang chiah chuan intiamkamna zuartu emaw hralhtu emaw i nih chuan, a leitu hnenah hun eng nge maw chen hnuah asset in intiamna mana i va hralh a ngai bawk. Options intiamkamnaah chuan, options leitu chuan asset lei emaw hralh emaw chungthu ah thuneihna a nei a, duh a thlang thei a, a duh chuan a lei in a lei lo thei a, a hralh in a hralh lo thei bawk. Hetih lai hian options intiamkamna zuartu/hralhtu ve thung chuan, options leitu thuthlukna chu a tih hlawktlin a ngai thung a, asset hralh leh hralh loh, lei leh lei loh chungchangah thu a nei thei ve lo thung.

La ti thang lo leh ti tir tan chuan Futures leh Options kalphung hi hriatthiam a harsa ve thei a, Risk sang tak pawh a keng a ni. Heng intiamkamna hian hlutna an nei ve tho va, chu hlutna chu thil ni thei leh thleng thei hrang hrang in a nghawng ve. Entir nan, market volatility-te, interest rate inthlakte, currency hlutna inthlak danglam ten. Heng inthlak thei te chuan trader-te nasa takin Loss a siam thei a ni.

Heng intiamkamna (derivatives) kan tihte hi zir tham a tling a, hriattur a tam hle. Nakinah zau zawk a ziahna dah a ni ang.