Investment Account hawn dan (Zerodha)

Pawimawh hmasa: 1st June 2026 leh a hnu lam a hawng te tan Annual Maintenance Charge kum 1 chhung a free a ni (Hei hi India ram a cheng khua leh tui te tan a ni).

Broker dang atanga i investment holdings Zerodha-ah i suan a nih chuan, Zerodha hian broker dang zawkin Transfer Charges an chawi tur che, stock pakhatah ₹30 thleng a refund thei che a, chawi zawng zawng belhkhawm ₹500 thleng a tumsak thei che. Hei hi account hawng thar tan chauh a ni lo a, Zerodha account lo nei tawhte tan pawh a tum sak vek thin a ni.

He article-ah hian investment account hawn dan kan rawn sawi dawn a, Zerodha hmang a awlsam taka hawn dan kan rawn tarlang ang. Zerodha investment/demat account hawng tur hian CHAWI hranpa a awm lem lova, India rama cheng, Indian citizen i nih a, i phone number leh Aadhaar card a in link chuan awlsam takin i hawng thei a ni.

Document ngai te

PAN Number
Aadhaar number (phone number linked)
Bank account details: I hming inziahna Cancelled Cheque emaw Bank Statement/Passbook i hming, account number, bank logo, seal, MICR leh IFSC Code chuang emaw lanna.
Income Proof (F&O Trade duh tan)

Account hawn dan tur

Zerodha account hawnna website-ah i kal ang. Heta hian click rawh.
I phone number i type lut ang a, GET OTP tih i click ang. OTP i dawn chu i chhu lut ang a, Continue i hmet ang.
I Gmail hmangin emaw mahni a ziak lut chawpin emaw i email ID i verify leh ang a, Continue i hmet ang.
Email ah OTP i dawn chu i type lut ang a, Continue i hmet leh ang.
I PAN Card number i dah lut ang, i Date of Birth nen, tichuan Continue i hmet ang.
I invest/trade duh segment i thlang ang. Stock investment leh trading chiah i kalpui dawn a nih chuan Equities tih kha a tawk mai. Continue i hmet ang.
I Aadhaar number i type lut ang a, OTP leh Captcha, i ti fel ang. i 6-digit Digilocker PIN i type ang a, i KYC i verify and a, Continue i hmet ang. I 6-digit Digilocker pin i theihnghilh a nih chuan, Forget i hmet ang a, i reset ang.
I personal details i dah lut ang a, Continue i hmet ang.
I bank account chu UPI hmangin emaw Manual hmangin emaw i link thei a, UPI a tih theih hi a awlsam. Continue i hmet leh ang.
In-Person Verification (IPV) hi i tih leh a ngai ang a, chiang tak leh fiah taka i lan theihna turah awm la, Capture tih i hmet ang (Camera hman phalna phone emaw webcame emaw pek a ngai ang). Continue i hmet ang.
I signature i draw ang a, i sign ang. A nih loh pawhin, i signature thalak i upload thei bawk. Save i hmet ang.
Document Upload ( a awm chuan): F&O i trade dawn a nih chuan Income Proof i upload a ngai dawn a, Bank Link kha manual a i tih chuan Bank Proof i upload a ngai ang. Continue i hmet ang.
Nominee i dah duh a nih chuan Add Nominee i hmet ang a, Nominee Details i dahlut ang, Continue i hmet ang. Zerodha hian Nomiee dah thei ula kan duh che u a. Account hawn hnu ah pawh a dah theih bawk.
Sign Now tih i click ang a, digital sign tur document a awm ang (pakhat aia tam a ni thin), Aadhaar number, OTP leh Digilocker PIN hmangin i Sign ang.

Heng account opening forms hi i sign kim hunah i User ID a rawn lang a. Trading emaw Investment emaw ti tur chuan i sign atanga 48 working hours vel nghah a ngai thin a, a tlangpui in 24 hours chhungin a fel thin. I account hawn chu peih fel a nih hunah i email ah Login Credentials a rawn thleng ang.

Zerodha Brokerage Charges

Zerodha hmang tan Equity Delivery trades ah chawi a awm lo a, FREE a ni.
Equity intraday ah 0.03% emaw ₹20/executed order emaw lak a ni a. A tlem zawk zawk i chawi ang.
F&O - Futures ah 0.03% emaw ₹20/executed order emaw lak a ni a. A tlem zawk zawk i chawi ang.
F&O - Options ah vawi khat order ah ₹20 i chawi thung ang.

Demat AMC (Annual Maintenance Charges)

I hawn atanga kum 1-naah chawi a awm lo.

I investment hlutna in ₹4 Lakhs a pel lo a nih chuan chawi i nei lo ang.
I investment hlutna hi ₹4 Lakhs - ₹10 Lakhs inkar a nih chuan kum khatah ₹100 + 18% GST i chawi ang a.
I investment hlutna in ₹10 Lakhs a pek a nih chuan kum khatah ₹300 + 18% GST i chawi ang.