IPO Chhân hmaa Enfiah tur
IPO i chhan hmaa i hriattur pawimawhte. Heng hi hrethiam hmasa la, IPO i chhang chauh dawn nia.
Video: YouTube enna · Zirlai: IPO Part 1 leh IPO Part 2
1. IPO kalphung i hrethiam em?
- Primary market (IPO chhânna) leh secondary market (listing hnua nitin lei leh hralhna) danglamna ka hria.
- Price band (share man hniam ber leh sang ber) leh cut-off price (issue price) awmzia ka hria.
- He IPO hi book building IPO nge fixed price IPO tih ka hre hrang thiam.
- Book building hun hawn ni leh khar ni ka hria.
- Listing day awmzia ka hria. Listing price chu cut-off price aia to emaw tlawm emaw a ni thei tih ka hria.
2. DRHP chhiar rawh
DRHP (Draft Red Herring Prospectus) hi SEBI website leh stock exchange website-ah chhiar theihin a awm. DRHP hmang chuan a hnuaia point-te hi hriat tum ang che:
- IPO hlutna zât: IPO-in sum engzat nge a hûi khâwm dawn?
- Share tlangzarh zât: Share thar (fresh issue) nge, share lo nei tawhte an hralh (offer for sale)? Sum hi company-ah nge a lut ang nge investor hmasate hnenah?
- Sum hman dan tur: CAPEX atan nge, leiba rulh nan nge? Eng hun chhungin nge an hman ang?
- Company hnathawh: Eng nge an siam emaw an hralh? An sum lâk luhna leh hman ralna engte nge?
- Sum leh pai dinhmun: Kum tam tak lakleta an revenue, hlawkna leh leiba an neih dan.
- Inrêlbâwl dan: Hma lam huna sumdawnna an kalpui tum dan.
- Risk hrang hrang: "Risk factors" an tarlante chhiar vek rawh.
- Hruaitute chanchin: Promoter leh management chanchin.
- Lock-in period: Investor hmasaten an share an hralh theih hun.
3. Tute nge IPO kalpuitu?
- BRLM (merchant banker, lead manager) tute nge an nih ka hria.
- Registrar tu nge tih ka hria. Share i hmuh leh hmuh loh (allotment) hi registrar website-ah i en thei.
- He IPO hian SEBI phalna a hmu tawh tih ka finfiah bawk.
4. Subscription status hriatthiam
- Oversubscribed awmzia ka hria. Entir nan, share 1,00,000 tlangzarhah chhângtu 2,00,000 a luh chuan a lêt hnih laiin a oversubscribed a ni. Oversubscribed a nih chuan share i dil zawng zawng i hmu ngei lo thei.
- Under-subscribed awmzia ka hria. Share bituk zât a tlin loh chuan IPO a hlawhchham thei a, pawisa kîr leh a ni.
- Green shoe option (overallotment option) awmzia ka hria.
- Subscription sang hian company ṭha a ni ngei tih emaw, listing-ah man a chho ngei ang tih emaw a tichiang lo tih ka hria.
5. Mahni inenfiah
- Ka hloh pawha ka nitin nun a nghawng loh tur zât chauh ka dah.
- Listing day-ah stock man a tla thei tih ka hria.
- "Listing-ah a chho ngei ang" titu te, thurawn pe tute leh hlawkna tiam tute ring lovin, keima thluthlukna leh zirchianna ngeiin IPO chhan ka tum.
- SEBI registered broker emaw ka bank emaw kaltlang chauhin ka dil ang.
- Ka document emaw OTP emaw tumah DM emaw WhatsApp-ah ka pe lo ang.
Engtin nge hman ang?
- PDF download la, emaw he page hi bookmark rawh.
- IPO pakhat i ngaihven chuan a DRHP hawng la, section 2 mil hian zir chiang rawh.
- Box zawng zawng i tick thei lo a nih chuan, nghak la, zir belh rawh. IPO zawng zawng i chhân ngei ngei a ngai lo.
- IPO kalphung hi a bul aṭanga zir i duh chuan IPO Market (Part 1) leh IPO Market (Part 2) chhiar rawh.
Hriattîrna
He zirna hi zirna atan chauh a ni a, investment advice emaw, stock lei leh hralh tura thurawn emaw a ni lo. Hlawkna tiam a ni hek lo. Number leh company hming kan hmante hi entirna mai an ni. Stock market-ah risk a awm. Zir hmasa la, tlem tein ṭan rawh.
Stocks, ETF, Mutual Funds-a invest leh F&O-a trade theihna (click rawh)
