Skip to content

Ban period-ah F&O positions inhawng lai hi rollover theih a ni em?

Ban period-ah i F&O trade lai a awm a nih chuan, rollover a theih loh thu a awm lo a, amaherawhchu, SEBI Data-Based FutEq OI (Futures Equivalent Open Interest) rules zulzuia rollover tur a ni thung ang.

Market inkharah i net delta chu trade i lak tirha i delta tluk emaw, a aia tlem a ni tur a ni. Trade i lakna hawi zawng (long/short) pawh a inthlak thiang lo a ni.

Entir nan, market inhawn laiin i position chuan net long delta +200 neita sela, i rollover dawn a nih chuan, position thar i lak hunah delta chu +200 i pel thiang lo a, +200 emaw a aia tlem a ni tur a ni. Tin, -50 emaw, 0 aia tlemah emaw i thlak thiang lo bawk. -50-ah i thlak a nih chuan net long ni tawh lovin net short i la tawh dawn tihna a ni. Bullish aṭang bearish-ah i inlet thei lo tihna a nih ber chu. Hei hi phal lo a ni.

Ban period-a i tih theih loh te

  • I net delta chu a tira i delta aiin i ti sang belh thei lo.
  • Delta hawi zawng i thlak thei lo (Entir nan, positive aṭang negative).
  • I trade-na lam hawi zawngah risk i lak belh thei lo.

Dan bawhchhiat man

Khing kan sawi takte khi i zawm lo a nih chuan, 1% of violation value (delta quantity i lak chuangliam x stock inkharna man) i chawi ang a, nikhata i chawi theih zat tlem ber chu ₹5,000 niin, a tam ber ₹1,00,000 a ni thung. 18% GST a tel bawk ang.

Dan bawhchhiatna a lo awm hlauh a nih chuan, Zerodha chuan i trade lak lai chu a lo chhuah sak (exit) ṭhin ang. Zerodha lamin an chhuah tir che a nih chuan, order pakhat zelah auto square-off charge ₹50 + 18% GST i chawi ang.