Open Interest (OI) Limits hi eng nge?

Open Interest Limits hrethiam tur chuan Open Interest awmzia hi han sawifiah phawt ta ila.

Futures emaw, Options emaw hmanga intiamkamna mi pahnihin an siam hian contract pakhat a inhawng emaw a nung tihna a ni a. Market-a contract emaw intiamkamna kan tih inhawng/nung zat chu open interest kan tih chu a lo ni ta a ni.

Open Interest (OI) limits chuan contract nung/inhawng awm thei zat a rawn bituk tihna a ni ber ang chu. Hei hian asset pakhata contract tam lutuk tur vengin, market marphu rang thut thut tur a lo veng thin a ni.

Broker-te hi Exchange-ah hian Trading member an ni a. Exchange leh SEBI chuan Open Interest inhawng mek awm thei zat chu a bituk thin a, hei hi broker-te pawhin an zawm vek alo ngai ta a ni. Broker pakhat hian market-a asset emaw underlying pakhata open interest inhawng atanga 15% aia tam a keng thei lo. Heti lai tak hi han sawi zau ila, entir nan, Reliance hian 10,00,000 (nuai 10) open interest nung lai nei ta sela, broker pakhat hnuaia trade-te open interest belhkhawm chuan 1,50,000 (nuai 10 atanga 15%) a pel thiang lo tihna a ni.

Broker pakhata client pakhat chuan underlying pakhata open interest awm zawng zawng atanga 5% amahin a hawng/keng thiang lo bawk.