Sum Pek Hmaa SEBI Checklist

Robawm video "Stock Market venghimtute"-a kan sawi inbumna zia reng. PDF-in download la, i phone-ah dah ṭha rawh.

Video: YouTube video enna · Zirlai: Capital Market venghimtute (dan kengkawhtu)

PDF download rawh

1. Tu nge a nih? Registration check rawh

• SEBI registration number dil rawh. Broker, investment adviser emaw research analyst dik leh rintlak chuan an nei vek.
• SEBI website-ah, Recognised Intermediaries hnuaiah, chu number leh hming a inmil em en hmasa rawh.
• Authorised Person (AP) a nih chuan, eng broker hnuaia AP nge a nih tih zawt la, a AP registration number dil rawh. NSE Authorized Person list-ah hian a en theih.
• App hmanga invest tura an sawm che a nih chuan, chu app chu Playstore/Appstore-ah zawng la, a developer tunge a nih tih en dik rawh. SEBI hnuaia Pawl an nih loh chuan fimkhur a ṭha a. Chhunzawm loh mai a ṭha.

2. Sum i pek/invest dawnin

• Stock investment tihna tura sumlu deposit reng reng chu broker-te bank account-ah zel a lut tur a ni. Mimal bank account-a thun tura an tih che chuan mibum hmang an ni tihna a ni.
• UPI-a i pek dawn chuan, UPI ID hi "@valid" in a tawp em en rawh. Entir nan, broker-te chuan "abc.brk@validhdfc" ang hi an hmang ang.
• I UPI app-ah green triangle chhunga thumbs-up a lang em en rawh.
• NEFT, RTGS emaw IMPS-a i thawn dawn chuan, SEBI Check emaw SEBI Saarthi app-ah an bank account leh IFSC check rawh.

3. Inbumna zir rang (Red flags)

• Hlawkna tiam: "ni tin 2%", "thla tin 10%", "chân theih loh". SEBI-ah inziak lut tumahin hlawkna an tiam thei lo.
• "VIP group", "insider tip", "operator stock" tia Telegram, WhatsApp emaw Instagram-ah an sawm che.
• Hmanhmawh tura an nawr che: "vawiin chauh", "seat 5 chauh a la awm".
• I OTP, i password emaw i document DM-ah emaw WhatsApp-ah an dil che.
• Hlawkna tlemte an pe hmasa che a, chumi hnuah pawisa tam zawk an dil che.

4. Bum i tawk chuan

• Pawisa thawn belh suh.
• SEBI Broker hming hawh an nih chuan chu broker hnenah chuan report rawh.
• SEBI complaint portal, SCORES-ah complaint thehlut rawh.
• Cyber bumna a nih chuan, 1930-ah call rawh emaw, cybercrime.gov.in-ah report rawh.

Engtin nge i hman ang?

1. PDF download la, i phone-ah dah rawh.
2. Investment i tih hmain section 1 leh 2 hi uluk takin chhiar rawh.
3. Section 3-a mi inbumna zia rang awm nia i hriat chuan, chung mi chu kalsan emaw ngaihven chhunzawm loh a ṭha. I lo ti tawh a nih chuan, sum pek belh suh.

He thuziak hi zirna atan chauh a ni a, investment advice emaw, stock lei leh hralh tura thurawn emaw a ni lo. Hlawkna tiam a ni hek lo. He checklist hi inbumna laka inven nan i hman theih tur a ni a, mi emaw company emaw rintlak a nih leh nih loh thutlukna a ni lo. Stock market-ah risk a awm reng. Zir hmasa la, tlem tein ṭan rawh.

Stocks, ETF, Mutual Funds-a invest leh F&O-a trade theihna (click rawh)

Account hawn dan