Kite Terminal Mode hi eng nge?

Kite terminal mode hi hnathawhna hmun, kan duh dan a kan siksawi leh siam kual theihna a ni a. Kite web ah awmin, Widgets kan mamawhte kan dah thei a, a awmna tur hmun pawh kan duh dan in kan siam rem thei. Hei hian Tab thar emaw Window thar emaw hawn ngai lovin, trading a ti awlsam thei hle.

Kite terminal mode hmang tur hian Zerodha account i hawn a ngai a. Hemi link hian i lo hawng hmasa dawn nia.

Terminal mode chu engtia tihchhuah tur nge?

Kite terminal mode hawng tur chua, Kite a Terminal Icon i click ang a, Create Workspace tih i click leh ang. Layout hman theih paruk alo awm ang.

• Blank: Widget dahsa awm lova, a thar ang a siamna.

• Trade: He layout hi active tak a trade te tan a duan a ni.

• Invest: Investors ten an stock kawl leh portfolio awlsam taka an en theihnan a duan a ni.

• Scalper: Scalper ten rang taka trade an lak zung zung theihnan, Charts, Option Chain leh Order place-na dah lan a ni.

• Simple: Layout mawlmang leh hnawk lo ber.

• General: He layout ve thung ah hi chuan market news, thu thar leh games te a tel ve thung.

Heng te hi bul tannan an lo siamsa rin nghal mai theih te an ni a. I duh danin i thlak kual thei vek bawk.

Top bar

Eng workspace pawh hmang la, a chungah khan stock emaw indices emaw man (price) chet dan kal phei zet zet, Tickers i hmu ang. He thil kal phei zet zet ah hian i mouse i va dah chuan, Settings Icon click tur alo awm ang a, i click chuan kal phei zet zet zing a tel tura i duh te i thlang thei ang.

Tickers piah lamah hian, i Profit and Loss (P&L), sum hman tur awm zat, Basket icon leh Notification icon te pawh i hmu bawk ang. P&L hi i positions chhuahnan i hmang thei a, Funds hi sumlu dahluh nan i hmang thei bawk. Top bar thil lo lang i thlak thleng kual duh chuan, Workspace icon-ah khan click la, Settings i click leh ang. Top Bar hi eng workspace pawh hmang la, alo lang ziah ang.

Panels leh Widgets thawh dan

I workspace hi Panel pakhat aia tam in a siam a ni a. Eng panel-ah pawh Widget thar i dah duh chuan + icon hmangin i dah thei ang.

Panel chungah chuan hengte hi a awm a:

• Maximise: Panel tih lenna.

• Clone tab: Widget i hawnsa ang chiah a dang hawnna.

• Drag: Widget panel dang a sawnna.

• Delete pane: Panel paihna, a chhung a widget awm nen.

Panel len dan zawng chu panel inri na sirah khan pawt la i thlak thei bawk

Widget hrang hrang te

Terminal mode-a widgets awm te chu hengte hi an ni.

Widget	A hnathawh
Market watch	I stock/asset trade-te an chet dan awlsam zawk a enna.
Chart	Stock/Asset man chet dan enna. Mouse cursor chu chart chunga a awm lai in, i stock/asset zawn duh i type thei ang. A nih loh vek pawh in, Search icon hmang in i zawng thei ang.
Option Chain	Index emaw Stock emaw options data enna. Strike price chung a mouse cursor i han dah khan B tih leh S tih a lo lang ang a, B hi Buy-na niin S hi Sell-na a ni thung. Basket Mode hmang in strike price pakhat ai a tam i dah khawm thei a, heng hi Spreads, Straddles emaw Strangles strategy lak nan a tangkai hle.
Order Window	I workspace chhuahsan lova Order siamna.
Quick Order	Market na taka a chet chang a, rang tak a Order siamna.
Positions	Trade i lak inhawng mekte enna. Day tih i click chuan, intraday a inhawng chiah a rawn lang ang. Heta tang hian i trade inhawngte atang i chhuak thei bawk.
Orders	Order inhawng leh inkhar (filled) tawhte enna, siam remna leh tihtawpna.
Trades	Tradebook enna.
Baskets	Order pakhat aia tam siamna. Vawi khat a order tam tak siamna. New Basket kha i click chuan basket thar i siam ang.
GTT	Good Till Triggered (GTT) order hi ni 365 a dam thei a. Target price emaw Stop Loss price emaw siam nan a tangkai hle. New GTT tih click la GTT thar a siam theih ang.
Alerts	Price, Volume leh percentage inthlak a zir a, alert siamna.
Holdings	I stock/asset kawlte enna, a hlut dan thar lam ber, P&L leh a inthlak danglam dan enna.
Margin Calculator	Trade emaw Investment emaw tih nan a, pawisa ngai zat enna. Stock/Asset zawnna (Search) ah khan i trade duh chu zawng la, transaction type, lei/hralh zat leh lei tumna price a zirin a lo chhut thei ang.
Brokerage Calculator	Zerodha broker-in palai hna a lo thawh man a lak zat (brokerage), sorkar chhiah leh chawi ngai dangte chhutna. Zerodha i hman hian Delivery trading-ah chawi i nei lo ang.
Notes	I trade lak chungchang a thu pawimawh ziahna.
Calculator	Calculator dang phawrh kherh ngai lova belh leh paih han tih zeuh nan emaw risk-reward chhutnan emaw a hman theih.
World clock	Khawvel ram dang hun emaw dar zat enna. International market emaw commodities emaw trade tan a tangkai hle. Analogue emaw Digital-ah a thlak theih.
Pomodoro Clock	Hun vawnna hmanrua a ni a, minit 25 hnathawh nan i hmang ang a, minit 5 chawlhnan i hmang ang. Alert a rawn pe dawn che a ni. I hnathawh hun leh chawlh hun i thlak danglam thei bawk.
Economic Calendar	IndiaDataHub atanga lak ni in, he kalendar hian India rama economic data leh thil pawimawh thleng tur dang thlen ni tur a rawn tarlang a, i duh chinah Reminder i siam thei bawk.
Holiday calendar	Trading leh Settlement chawlh ni a tarlang a, kum khat chhung a trading chawlh awm tur pawh a hnuai lamah a lang ang.
Corporate actions	Dividends, Bonus, Splits, Rights Issue leh buyback awm thei te a rawn tarlang ang.
Company updates	Tijori atanga lak ni in, hei hian company press release, board meeting thuchhuak leh pawl thuchhuah te a rawn tarlang ve thung. I stock kawl chauh i en duh chuan Settings atang a siam theih bawk.
IPO	Initial Public Offerings (IPOs) awm tur enna leh chang ve duh ten an dil ve theihna. IPO date, issue price leh lot size pawh a lo lang tel ang.
Upcoming IPOs	IPO awm hnai zual bikte tarlanna.
SSE	Social Stock Exchange (SSE) IPO awmna hmunah a hruai ang che. SSE hi Social Enterprises leh Non-profit organisations te an ni.
SIP	Stocks lama i Systematic Investment Plans (SIP) enna, hun lo awm tura pek tur enna leh a behbawm enkawlna.
Government Securities	Central Sorkar peipunna hmanrua, treasury bill leh sovereign gold bonds chungchang tarlanna.
Auctions	Stocks an lilam mekte chungchang enna.
Market Timings	Equity, Derivatives leh commodity segment-te trade theih hun tura duan enna.
Google Calendar	I hun neih dan turte i Google Calendar nen a enna.
Zerodha updates	Zerodha atanga thu thar leh an platform chungchang thu chhuak thar awm te dahna.
Nithin's updates	Zerodha dintu, Nithin Kamath-a thuziah enna. Regulation chungchang, market zirchianna leh Zerodha thuchhuah tharte a ziak thin.
Funds	Sumlu hman theih awm zat, hman tawh zat, Cash awm zat, leh adangte enna. Heta tang hian sumlu i dahlut thei in, i la chhuak thei bawk.
Wallpaper	I hnathawhna hmun cheimawi nan i thlalak duh i dah lut thei ang.
YouTube	YouTube atang video emaw market chungchang thlirna emaw chanchin thar emaw i en duh apiang i enpah thei ang.
Flying Kite/Snake	Game i hnathawh pah emaw hnathawh chawlh lai emaw hnathawh zawh a i khelh theih.

Workspace siam rem

Workspace emaw hnathawhna hmun emaw hi i mamawh dan leh chhan hrang hrang a zir in, pakhat ai a tam i siam thei a, entirnan, workspace pakhat intraday atan, pakhat dang leh options trading atan. Workspace hming hi click la, a thar i siam thei ang a emaw a hming i thlak thei ang.

I hnathawna hmun i siam leh a awm dan chiah chiah hi midang hnenah i thawn duh chuan, Share tih i click ang a, Link a rawn insiam ang. Unshare tih i click chuan a link kha a ti thi ang.