Skip to content

Cheng ₹5000-a bulṭan dan

Cheng 5000 hian ka sum leh pai dinhmun thlakin, thawk leh khatah dinhmun ṭhaah min dah nghal dawn lo va. Amaherawh chu, sum leh pai chungthua ka rilru put hmang chu nasa takin a thlak thei thung a. Sum leh pai enkawl dan dik ngaihtuahna a tuh thei thung. Investment portfolio siam tur ni ta ila, cheng 5000 hmang hian engtin nge ka siam ang tih chungchang ka sawi dawn a ni. Cheng 5000 chauh hmanga portfolio puitling tak ka siam theih chuan sumlu tam tham takah pawh ka siam thei tura ngaih a ni ang.

Ka sawi thui hmain, SEBI hnuaia inziaklut Investment Adviser / Research Analyst ka ni lo va. Heng ka rawn sawi turte hi keima ngaihtuahna leh thil ka tih dan tur kalphung chauh a ni. Engmah hi thurawn anga lak tur a nilo tih hriat a ṭha awm e.

Investment tih theih dan kawng hnih ka nei

  1. A hlawma invest (lump sum): A hlawma invest ka tih hian, vawi leh khata ₹5,000 invest nghal vek a ni mai awm e. Hei hi 'lumpsum investment' kan tih kha a ni. Tehkhin thuin, ₹5,000 ka neih chu tun aṭanga kum 5 aia reiah hmanna tur nei lem lo ta ila, vawiinah ₹5,000 chu ka invest nghal vek ang.

  2. Thlabi-a invest (SIP hmangin): Sum luhna mumal emaw a hun taka rawn lut - hlawh (salary) ka neih chuan SIP hmang hian ka invest ang. Entir nan, thla tin ₹500 ka invest thei ang. Mimal tak chuan tunah hian nitin ₹100 ka invest a ni.

Thlabia hlawh la tan chuan SIP aṭanga bulṭan hi a ṭha khawp mai.

Bulṭan tirin sum ka peipun dan tur

Sum peipun tur i nei a, i sumlu hmun hrang hranga i peipun kual dan tur hriltu chu i peipun tur hun rei zawng leh risk i lak ngam dan a ni awm e, chu tur chuan SEBI Reg. Investment Adviser aṭanga thurawn lak a finthlak ang. Keichuan bulṭan ṭha leh tur ni ila, ka tih dan tur chauh ka sawi dawn a ni.

~70% Broad Index ETF-ah: Broad Index ETF hi Nifty 500 pumpuia invest theihna a ni a. Mawlmang deuh chuan, stock market-a company lian ber 500-tea tlawm deuha investment tih theihna a ni. Entir nan, Motilal Oswal Nifty 500 ETF (MONIFTY500). A simple em em a, share/unit 1 man hi, he thu ka ziah lai hian Rs 24 vel chauh a ni. Rs 24-in company 500-ah i peipung thei tihna a nih chu. Bulṭan tir tan chauh lo pawh a ṭangkai hle.

20% Debt / Liquid fund-ah: Ka tawnhriat aṭangin han sawi ta ila, sum fai (cash) emaw a tluk pui liquid fund anga dah hi a finthlak hle mai. Market hi chho thei a nih rualin, na takin a tla thei bawk. Na taka a tlak hunah chet lak ngai ta sela, chetna tur sum lo neih hi a ṭangkai ṭhin hle.

~10% inzirna sumlu atan: Nakin hun lo la awm zel turah keimah ngeiin ka sumlu chu enkawlin, ka peipung dawn a nih chuan ka inzir a ngai a. Inzirna atan ka neih aṭanga tam lo ~10% vel chu inzirnan ka hmang ang. Lo chan (loss) vek pawh ni ila, 90% ka la hum dawn tho tihna a ni.

Ka sum peipun tur ka ṭhensawm dan hi i bihchian chuan, hlawk thutna emaw, F&O emaw, mut tui loh theihna thlen thei thil pakhat mah a awm lo vang.

Bulṭan tirte tana ṭhian ṭha ber chu hmanhmawh lo va peipun hmasak hi a ni awm e.

Bulṭan dan tur

  1. Demat + investment/trading account i hawng ang: Stock market-a invest / trade tur chuan demat account i hawn hmasak a ngai a. Demat account hi investment bulṭan nana a kawngka chu a ni. I pan card leh aadhaar hmangin minit 10 chhungin i hawng fel thei ang. I hawn duh chuan he link hmang hian Zerodha-ah demat account i hawng thei ang. Zerodha Authorized Person ka ni a, nakin zelah pawh ka pui chhunzawm thei ang che. Zerodha i hman hian Delivery Trade (swing leh investing order) kan tihah chawi i nei lo ang.

    Account hawnna

    Account hawn dan

  2. KYC i tifel ang: KYC hi vawi khat chiah tih a ngai a, account i hawn pah khian i tifel nghal ang.

  3. SIP nge Lumpsum? I dinhmun a zirin i thlang ang: Sawi tawh angin, hunbi mumal taka hlawh lut nei tan chuan SIP hmanga investment tih hi a fuh ber. Zerodha account i hawn fel hunah Coin (by Zerodha) hmangin SIP investment i siam fel thei ang. Puih i mamawh chuan a hnuaia button kaltlang hian min rawn be thei ang.

    WhatsApp-a biakna

  4. Amahin hna a lo thawk tawh ang: SIP-te kan tih nachhan chu mihring kan buai ngai lo va, hunbi mumal taka sum peipun hi a ni awm e. Inzir nan leh hna dang thawh nana hun i neih tam zawk theih nan a ṭangkai hle a ni.

  5. Thla 1 dana en dik: I portfolio siam zawh tak khi minit tin emaw nitin emaw i en chuan market che vel avanga hlauhthawnna a rawn awm thei a. Bulṭan ve chauh i nih phei chuan, hlauhthawnna neih hi a awl em em a ni. I ṭan tirh phat aṭanga inthunun theihna zir hi a ṭha a, thla khat dana en hi a tawk viau ṭhin a ni.

I tih miah loh tur thil pathum

  • Pung hnem theia sawi apiang um loh a him: Pung intiamte leh pung sang tak awm theia sawite hi a itawm rual rualin inbumna a nih loh vek chuan nasa taka sum chan theihna a ni fo. Tih ve loh a him ber.

  • Futures & Options aṭanga bulṭan: A bik takin Options hian mit a la ṭhin hle. Derivates kan tih - futures leh options kalphung hi investment kalphung pangngai ang lo tak a nih avangin, bulṭan tir i nih chuan tih hmasak loh a ṭha. SEBI-in report a siamnaah chuan mipui vantlang F&O hmanga sum peipun tumte hian chawhrualin sum an chan a, 93% laiin sum an hloh tih a tarlang nghe nghe.

  • Market a tlak thlaa hlauhthawnna avanga chhuah vek: Stock market-a i invest chuan, i sum hlutna chu a chhukin a chho thei tih hriat a ṭha a. Hlauhthawnna avanga chhuak leh beidawngte hian sum tam tak an chanin, hun ṭha dang an bawhpelh nasa ṭhin hle. Chhuk chho paltlang theih zir hi stock market investing-a zirlai pawimawh tak a ni awm e. A chhoh hun ngaihruata sawi lawk tum vak ai chuan kan hun tam zawk market-a peipun mai hi a ṭha ṭhin.

Hengte hi i bulṭan dawna i hriattur pawimawh zualpui te an ni awm e.

Zerodha Investment account hawng ve rawh le.

Account hawn dan

Zerodha Broking Ltd.: SEBI Reg. No. INZ000031633 | R LALREMZUALA | NSE AP reg. no. AP2516005311