Interoperability of Exchanges hi eng nge a nih a, engtinnge ka Equity leh F&O trading a nghawng?

Interoperability hian exchanges hrang pahnih a trade thleng te chu hmun khatah a chinfel tir a. A hma chuan, NSE a trade thleng reng reng chu NSE Clearing Limited hian a chingfel a, chutiang bawkin BSE a trade thleng chu BSE Clearing Limited (BSECL) in a chingfel thin. SEBI chuan exchange interoperability chu hman a rawt ta a, hei hian NSE leh BSE a trade thleng, heng Equity, Currency Derivative Segment (CDS) leh F&O-te chu clearing corporation pakhatah chinfel a ni tawh a ni.

Zerodha hian NSE leh BSE a trade thleng reng reng chingfeltu atan NSE Clearing Limited chu a thurual pui a ni. SEBI circular in a chhuah danah chuan, interoperability hian Equity, Equity Derivatives, leh Currency Derivatives chiah a huam. Commodities Derivatives a huam ve loh avangin, MCX leh NSE a trade I lak te chu, hmun khatah a chinfel theih loh.

Interoperability hman a nih takah chuan, exchange pakhata share i leite chu exchange dangah i hralh leh mai thei a ni. Entir nan, Reliance share-te chu BSE-ah lei ta la, NSE-ah i hralh thei a ni. Chutiang bawkin, Infosys share-te NSE-ah lei ta la, BSE-ah i hralh thei bawk.

NSE-ah hian leitu leh hralhtu an tam zawk avangin, Exit Order reng reng chu NSE-ah a indah sa thin. BSE chiaha awm stock i lei chuan, BSE-ah chiah i hralh thei thung ang.

I trade lak mek leh order-te a nghawng dan

BSE a share i lei hian, i lei te (positions) chuan ah NSE Last Traded Price (LTP) a hmang dawn a. Exit order i siam a, a tlang a nih chuan, NSE-ah a inhralh ang. BSE a hralh i duh chuan, Exit order window-ah khan BSE exchange thlanna tur a lo awm ang.

I trade lak mekte chu EQ tia thliar an lo ni tawh ang, NSE atang emaw BSE atang emaw a lei pawh ni se.